.:: منتدى صالات كاراتيه العرب لفنون القتال والدفاع عن النفس ::.
العودة   صالات كاراتيه العرب > فنون القتال والدفاع عن النفس > صالة كاراتيه الشوتوكان
صالة كاراتيه الشوتوكان تطرح المناقشات الفنية الخاصة بفن الشوتوكان في هذه الصالة

إضافة رد
 
أدوات الموضوع انواع عرض الموضوع
  #1  
قديم 22nd January 2009, 05:25 AM
 
محروس شحاته
لاعب مميز
  محروس شحاته غير متواجد حالياً
تاريخ التسجيل: August Aug 2008
الدولة: مصر (اسماعيلية)
المشاركات: 173
نهائي بطولة العالم كاراتيه 2008 باليابان 70 ك : (مصر - أزربيدجان)

المباراة النهائية في بطولة العالم للكاراتيه باليابان 2008
وزن 70 ك رجال :
بين لاعب مصر (تامر موسي) - ولاعب ازربيدجان (أجاييف)

___________________ التوقيع: ___________________
شيهان : محروس محمد شحاته
(اسود 6 دان 2007)
عضو الفريق القومي المصري للكوميتيه (89 -93)
دراسات عليا تربية رياضية(تدريب - كاراتيه)
mahrous29@yahoo.com
رد مع اقتباس
  #2  
قديم 22nd January 2009, 03:41 PM
 
محمد مأمون
لا عب كبير محترف
  محمد مأمون غير متواجد حالياً
تاريخ التسجيل: December Dec 2008
المشاركات: 1,033
ألف شكر
يا رائع
رغم الهزيمة
رد مع اقتباس
  #3  
قديم 23rd January 2009, 08:36 PM
  الصورة الرمزية ahmed esmail
ahmed esmail
مشرف صالة كاراتيه الشوتوكان
  ahmed esmail غير متواجد حالياً
تاريخ التسجيل: December Dec 2002
الدولة: 00201226165629Egypt
المشاركات: 1,520

فعلا كابتن محروس المباراة جميلة لكن اجاييف عنده تحركات واسلوب في الهروب متميز بيه جدا
رد مع اقتباس
  #4  
قديم 23rd January 2009, 09:05 PM
 
محروس شحاته
لاعب مميز
  محروس شحاته غير متواجد حالياً
تاريخ التسجيل: August Aug 2008
الدولة: مصر (اسماعيلية)
المشاركات: 173
شكرا لك اخي محمد مامون
شكرا لك كابتن أحمد اسماعيل
علي مروركما وتعليقكما علي الموضوع

هو فعلا نتيجة مشرفة جدا للاعب المصري "تامر موسي" صغير السن والخبرة
بالمقارنة بمنافسه القوي جدا "أجاييف" الأزربيدجاني
الذي اعتبره افضل لاعب كوميتيه في هذه البطولة علي الاطلاق
لان " أجاييف"بالاضافة لحصوله علي لذهبية ال70 ك حصل ايضا علي ذهبية الوزن المفتوح في نفس البطولة
ووصول اللاعب المصري : تامر موسي للمباراة النهائية وسط عمالقة الكاراتيه في العالم
ويخسر المباراة النهائية 3 / 2 فقط أمام هذا اللاعب صاحب الخبرة الكبيرة
هو انجاز رائع بكل المقاييس يحسب للاعب وللجهاز الفني بالمنتخب وبالنادي وللاتحاد المصري
بالاضافة لانجازات باقي زملائه ونتمني استمرار التوفيق من الله في بطولات العالم القادمة .
___________________ التوقيع: ___________________
شيهان : محروس محمد شحاته
(اسود 6 دان 2007)
عضو الفريق القومي المصري للكوميتيه (89 -93)
دراسات عليا تربية رياضية(تدريب - كاراتيه)
mahrous29@yahoo.com
رد مع اقتباس
  #5  
قديم 27th January 2009, 06:58 PM
 
Pal-Eagle
لاعب نشيط جداً
  Pal-Eagle غير متواجد حالياً
تاريخ التسجيل: December Dec 2008
الدولة: فلسطين-غزة
المشاركات: 80
رائع حقيقة اللاعب تامر لاعب قوي و هادئ لكن ينقصه الخبرة
امامه مستقبل مشرق
مبارك له و ما يزعلش المتش مخلصش
رد مع اقتباس
  #6  
قديم 28th January 2009, 07:57 PM
  الصورة الرمزية محمود مرزوق
محمود مرزوق
من كبار الاعضاء القدامى
  محمود مرزوق غير متواجد حالياً
تاريخ التسجيل: October Oct 2004
الدولة: مصر - المنصورة - 0193548111 - 002
المشاركات: 3,449
السلام عليكم ورحمة الله وبركاته

أستاذنا الفاضل / ك / محروس شحاتة

مشكور أستاذنا الفاضل علي هذه المباراة

وأحب أن أوضّح أن أهم ما يميّز أجاييف هو :-

1/السرعة

و 2/تحرّكاته علي البساط ( وركّزوا شويّة علي كلمة تحرّكاته علي البساط دي لأنّها دراسة كاملة في الكوميتيه وسأشرح جزء منها علي هذه المباراة إن شاء الله )

وهذان هما أهم عاملين للاعب الكوميتيه

أنا قلت قبل كده في موضوع أوتّو ان أهم ما يميّز أوتّو هو عقله وان أهم ما يجب أن يميّز اللاعب هو عقله وذلك علي الرغم من سرعة أوتّو الملحوظة وقلت أيضا أنّ التدريب هو السبيل الوحيد للتميّز بعد توفيق الله سبحانه وتعالي

ولا أعتقد أن هناك تعارض بين هذين الأمرين فتدريب العقل علي السرعة ثم تدريب الجسم علي متابعة العقل في سرعته هو ما يولّد السرعة

وتدريب العقل علي خطط المبارايات أو سيناريوهات المباريات والتكنيكات ثم تدريب الجسم علي متابعة العقل في ذلك وإظهارة في صورة التحرّك علي البساط وآداء التكنيكات هذه كلّها أمور متشابكة ولكن الأساس فيها هو تدريب العقل أوّلا

وأنا ركّزت في موضوع أوتّو علي نقطة العقل كنوع من الإجمال ويأتي التفصيل في تحليل هذه المباراة إن شاء الله

ونأتي لنسقط هذا الكلام علي هذه المباراة

أوّلا بالنسبة لان التدريب هو السبيل الوحيد للتميّز بعد توفيق الله سبحانه وتعالي

لاحظ هذه الصورة

[COLOR=green][URL="[/COLOR]]

ده التدريب علي الجياكو زوكي (لاحظ السرعة ولاحظ الجياكو زوكي بالشمال )

لاحظ هذه الصورة



هذا تدريب علي التحرّك علي البساط في شكل دائري

لاحظ هذه الصورة



هذا تدريب علي التحرّك علي ركن البساط وكيفيّة الهروب منه لخط البساط

لاحظ هذه الصورة



هذا تدريب علي التعامل مع الخصم في المسافة الضيّقة

إلي هنا ننتهي من مرحلة التدريب ونأتي لنبدأ المباراة ( لا تنسوا نقاط التدريب هذه لأنّي سأتعرّض لها إن شاء الله خلال التحليل لنري كيف أن كل ما قام به اللاعب أثناء المباراة هو نتاج تدريب شاق وتكنيكات محفوظة أي أنّه ليس ارتجال او آداء عشوائي علي البساط أو تميّز شخصي أو فروق فرديّة للاعب علي لاعب )

ومع الإيبون الأوّل :-

هذا ما حدث ...

بدأ تامر في الاستعداد للهجوم ولكن مع تردد

ارتد اجاييف بسرعة علي تامر

انكشف جسم تامر

قام أجاييف بالتسجيل

( لاحظ الإيبون كان جياكو زوكي شمال وبالظبط زي اللي كان في لقطة التدريب )

وهذا بالصور ...

هذا استعداد تامر للهجوم



هذا الارتداد الخاطف لأجاييف ولاحظ كيف انكشف جسم تامر نتيجة المفاجئة بسرعة الارتداد



هذا الجياكو زوكي ( لاحظ بالشمال )



.....

وناتي للتحرّك علي البساط

لاحظ التحرّك علي خط البساط



هذا التحرّك بشكل دائري علي البساط



( تذكّر لقطة التدريب )

لاحظ التحرّك علي ركن البساط والهروب لخط البساط



( قارن بين هذه اللقطة ولقطة التدريب وأتحدّاك تجد الفرق )

ونأتي للإيبون الثاني /

هذا ما حدث ...

تراجع أجاييف للخلف ليغري تامر بالهجوم ( مصيدة )

تحمّس تامر للهجوم ودخل ولكن صدرة اتفتح ( وقع في المصيدة )

ارتد اجاييف بسرعة وسجّل كزامي بالشمال بردو

وهذا بالصور ...

هذا تراجع اجاييف



هذا الارتداد الخاطف



هذا الكزامي



ونعود للتحرّك علي البساط

لاحظ هذه الخطّة

1 - حركة ارتدادية سريعة علي ركن البساط

2 - الهروب لخط البساط ناحية اليمين

3 - الرجوع علي خط البساط مرّة ثانية ناحية الشمال

4 - الدوران علي البساط في شكل دائري واحتلال منطقة وسط الملعب

يعني كأنّها وكالة من غير بوّاب

وبالصور









يعني باختصار



ولاحظ هذه الخطّة أخدت أد إيه وقت يعني أجاييف بيتفسّح في الملعب أو بلغة الكورة ( ومين يقابل )

واللي يغيظ إن دي ظهرت مرّة في التدريب وأكثر من مرّة في المباراة وبنفس السيناريو

أنا كنت هموت من الغيظ وأنا بتابع المباراة وأكتر من مرّة أشوف المباراة وهموت من الغيظ .. إزّاي ده بيحصل .. أجاييف كانّه لعب الماتش ده مثلا عشرين مرّة قبل كده ونازل يكرره للمرّة الواحد وعشرين .. يعني كأنّه حافظ السيناريو .. يعني مذاكر الخطط دي مليون مرّة علشان كده بينفّذها بكل سهولة .. يعني أبوس إديكوا شوفوا الصورة اللي فيها أرقام وشوفوا أجاييف مشي علي مساحة أد إيه من البساط

تقريبا لف البساط كلّه

هذه أيضا محاولة للتسجيل



( لاحظ الضربة جياكو زوكي بردو .. وبالشمال .. بردو )

وتذكّر التدريب علي الاشتباك مع الخصم في المسافة الضيّقة

ثم لاحظ هذه الصورة



ونأتي للنيهون الرائع الذي سجّله تامر /

هذا ما حدث

بعد الاشتباك عاد أجاييف للخلف ورفع يده ليظبط البدلة أو ليظهر توقّفه عن الاشتباك

استغل تامر هذه النقطة عندما كان جسم أجاييف مكشوف وبادر بالهجوم

سجّل تامر النيهون بسرعة لا مثيل لها وهذا ما أريد أن أؤكّد عليه وهو أنّه لا توجد فروق فرديّة المشكلة كلّها مشكلة خوف وتردد ولاحظ كيف كان رد فعل تامر عندما سمع كلمة ( العب يا بطل العب ) من الجمهور يعني تناسي التردد والخوف وشوفوا قدر يعمل إيه

وهذا بالصور

هذه عودة أجاييف ورفع يده



هذا انكشاف جسم أجاييف



هذه الشودان مواشي جيري ولا أروع



ومع الإيبون الثالث لأجاييف

لاحظ هذه الخطّة

ثبت أجاييف مكانه ليعطي تامر فرصة ليخطط لهجوم جديد ( مصيدة )

فعلا بدأ تامر يفكّر ( وقع في المصيدة )

في نص التفكير أخرج أجاييف تامر عن تركيزه باشبراي ما لوش لازمة ثم انقض أجاييف بالإيبون الثالث ( جياكو زوكي بردو .. وبردو بالشمال )

وبالصور

هذا ثبات أجاييف



وهذا الاشبراي لإخلال التفكير مش إخلال التوازن



وهذا الإيبون



ونأتي لنهاية المباراة

لاحظ أجاييف نظر لمدرّبه





وأعتقد أنّه في هذه اللحظة أشار له أنّه لم يبق في المباراة إلا 5 ثواني مثلا أو 10 ثواني وهذا هو ما أتمنّي أن نفهمه لاعبين ومدرّبين يا جماعة دي دراسات مش لعب بالصدر وخلاص يعني لمّا يكون لسّه 5 ثواني في الماتش أعمل ايه وشوفوا أجاييف عمل إيه



يعني ببساطة بيلف ويدور بيضيّع وقت علي ركن البساط ويتحرّك لخط لبساط يعني بيمارس هوايته المفضّلة

لاحظ تعليق تامر علي هذه الخطّة بعد نهاية المباراة



عندك حق يا تامر .. أخيرا وصلت الرسالة والحمد لله بس يا خسارة بعد نهاية المباراة ونيجي بأه للكلام اللي يوجع

...

مبدئيّا هوّا الكلام فعلا يزعّل بس أنا مش عاوز حد يزعل منّي

إزّاي لاعب ينزل ماتش مع لاعب يقوم الخصم ياخد منه تلاتة إيبون كلّهم بالشمال وإتنين منهم جياكو زوكي

تبأه دي كارثة

تبأه دي مصيبة

يا جماعة المفروض اللاعب يكون نازل علي البساط وهوّا عارف مقاس ملابس الخصم الداخليّة مش تكنيكاته

ده مش إعداد خططي لبطولة عالم أبدا

المفروض لاعب زي أجاييف ده أنا عارف إنّه مرشّح للنهائي أكون دارسه وعاجنه وخابزه زي ما بيقولوا

يعني أكون عارف تكنيكاته هيّا إيه بالظبط ونقاط قوّته ونقاط ضعفه

ده مش شغل تامر

ده شغل الجهاز الفنّي

يعني أضعف الإيمان اللاعب ده له ماتشات علي النت

يا أخي شوفها وادرس تكنيكاته واعرف هوّا بيشتغل أكتر علي ايه

يعني في كل الماتشات اللي أنا شفتها ليه هوّا تكنيك واحد يعتبر الأساسي عنده

الجياكو زوكي شمال

طب أنا طالما عرفت كده ( ده لو كنت عرفت يعني ) المفروض أدرّب اللاعب بتاعي علي هذا الوضع

يعني إزّاي يحرق عليه التكنيك ده

يعني مثلا .. ولو إنّي مش لاعب كوميتيه .. ممكن أقف يمين وأثناء انقضاضه لتسجيل الجياكو أشيل الجياكو زوكي بتاعته اللي بإيده الشمال أشيلها أنا بإيدي اليمين وأسجّل كزامي أو أوراكن أو أسجّل أنا جياكو يالشمال .. مش هيّا دي القضيّة يعني مش المشكلة في التكنيك .. المشكلة في التكتيك .. يعني الخطّة

ونقطة تانية

خلّيني أنا رحت البطولة وما أعرفش إن فيه لاعب أساسا اسمه أجاييف مرشّح للنهائي ( ودي بردو غلطة كبيرة المفروض يكون عندي قاعدة بيانات عن كل المنافسين في البطولة يعني شغل مخابرات تقدر تسمّيه كده وده النظام الحالي للبطولات ده إحنا بنعمل كده في بطولات المحافظات إزّاي نغفل الكلام ده في بطولة العالم ) وبعدين اكتشفت أجاييف ده أثناء البطولة يبأه المفروض أبدأ أتابعه في البطولة وأرصد تكنيكاته وخططه في الماتشات مش أستني لمّا ييجي يقابلني في النهائي

ده بردو مش شغل تامر ده شغل الجهاز الفنّي

النقطة الثالثة أثناء الماتش أنا خلاص وصلت للمباراة وما أعرفش أي حاجة عن أجاييف المفروض دورالمدرّب اللي قاعد برّه إنّه يكشف الماتش للاعب بمعني إنّه لو كان صعب عليه يفهم خطّة الخصم فأنا كمدرّب هكون شايفها أحسن من برّه لإنّي مش تحت ضغط الماتش زائد إن خبرتي أكبر

لاحظوا إزاي أجاييف كان بيتابع المدرّب بتاعه في نهاية الماتش

ونيجي لنقطة قبل كل ده

المفروض بالنسبة للاعب زي ده أنا عرفت إنّه مؤهّل للنهائي

المفروض يكون فيه لقاء ودّي واتنين وتلاتة معاه أعرف بيه اللاعب ده شغّال إزاي أو علي الأقل أزيل رهبته من قلب اللاعب بتاعي وإنتوا شفتوا ساعة ما الرهبة دي زالت بفعل الحماس نتيجة تشجيع البنت في المدرّجات لمّا قالت ( العب يا بطل العب ) شوفتوا إزاي كان رد الفعل

وده بردو دور الجهاز الفنّي والاتحاد اللي الكابتن محروس شحاته اتكلّم عنهم

ونيجي لنقطة خطيرة جدّا هيّا الإعداد النفسي والخططي

الإعداد النفسي طبعا مفقود عندنا .. اللاعب نازل خايف من الخصم ودي كارثة وواضحة جدّا في تحرّكاته يعني الولد شاكك في كل خطوة بياخدها في حين إن الخصم كأنّه بيتمشّي علي البساط

ونيجي للإعداد الخططي

سؤال ؟؟!!

خطّة تامر في الماتش كانت إيه ؟؟!!

اللي يعرف يجاوبني لإنّي مش عارف

طب تعالوا لخطّة أجاييف

الولد بيرجع لركن البساط ويسحب الخصم عليه ثم يراوغ للهروب إلي خط البساط ثم يعود ثانية إلي نفس الركن ثم يدور لاحتلال وسط البساط ويسجّل ويقف يوي ويرجع لركن البساط ويدور حولين نفسه تاني بنفس الخطّة يعني الموضوع ده اتكرر أكتر من مرّة في الماتش وآخرهم المراوغة الاخيرة لتضييع الوقت وهيّا دي اللي فهمها تامر طب ده حلال ولا حرام ؟! يعني بالظبط كأن الولد كان بيذاكر درس ورايح يسمّعه في الامتحان أمّا خطّة تامر فلم تكن إلا متابعة أجاييف في خطّته يعني بيمشي وراه لركن الملعب وبعدين يفتحله سكّة لخط البساط ويسيبه يرجع تاني ويسيبه يدور ويمسك وسط الملعب ويشتبك ويخسر الإيبون ويقف يوي ويرجع تاني يمشي ورا أجاييف لركن الملعب ويسيبه يهرب لخط البساط ويرجع ويلف ويمسك وسط الملعب .. وادحرج واجري .. يا رمّان

يا جماعة حرام اللي بيحصل ده

يعني اللي يشوف الماتش بدون تركيز يتصوّر إن تامر هوّا اللي مسيطر علي البساط لانّه ماسك نص الملعب في حين إنّه بينفّذ بالظبط ما يخطط له أجاييف

مش هيّأ دي المصيبة .. المصيبة والكارثة الحقيقيّة إن دي هيّا خطّة أجاييف علي طول

يعني أنا شفت له أكتر من متش ما بيعملش غير كده ولا حول ولا قوّة إلا بالله .. أنا كنت هموت من الغيظ وأنا بتابع الماتش والألعن إن ده اتكرر اكتر من مرّة أثناء المتش ده لوحده

رجاءا افتحوا أكثر من نافذة متصفّح للمباراة وتابعوا هذه الجمل بين هذه الأزمان

من 00:50 إلي 00:55

من 02:03 إلي 02:08

من 03:12 إلي 03:17

من 03:42 إلي 03:59 ( لاحظوا أكتر من 15 ثانية )

من 05:16 إلي 05:26 ( المراوغة الأخيرة لتضييع الوقت )

ده طبعا غير الجياكو زوكي اللي بتتكرر طول الماتش

ونيجي لنقطة مهمّة جدّا من كلام الكابتن محروس شحاته وهيّا إنّه ده إنجاز إننا نلاعب أجاييف ونخسر منّه

لأ .. مش دي الروح اللي إحنا عايزينها

الإنجاز اللي إحنا عايزينه إن إحنا نلاعب أجاييف ونكسبه ونكسب غيره لإننا نقدر علي كده وما فيش أي مانع اللهم إلا عقدة الخواجة أو نقص في جانب الإعداد النفسي والخططي اللي اتكلّمت عنهم

إحنا زمان كان نفسنا ننافس في بطولة العالم والحمد لله نافسنا

وبعدين بأه نفسنا نحقق مراكز والحمد لله حققنا

وبعدين بأه نفسنا نوصل للنهائي والحمد لله وصلنا وأكتر من مرّة

يبأه الطبيعي دلوقتي إننا يبأه نفسنا في الدهب

في الدرجة العالية علي منصّة التتويج

وفي العلم الوسطاني علي صارية الأعلام في البطولة

وفي السلام الوطني المصري بيتعزف للمركز الأوّل بطل العالم اللي من مصر

علي العموم أنا مش عاوز حد يزعل منّي وأنا ما أقصدش طبعا أعيب علي تامر أو الجهاز الفنّي الراجل كسب كل ماتشاته إلي أن وصل للنهائي وهذا حق لا نبخسه ومستوي لا ننكره ولكن إحنا نفسنا في الدهب يا تامر

ونأتي لنهاية المباراة والتي كانت ولا أحلي ولا أروع









تامر بيهزّر مع أجاييف



هذا ونسأل الله الهداية والتوفيق

والله المستعان

والسلام عليكم ورحمة الله وبركاته
رد مع اقتباس
  #7  
قديم 29th January 2009, 05:07 AM
 
محروس شحاته
لاعب مميز
  محروس شحاته غير متواجد حالياً
تاريخ التسجيل: August Aug 2008
الدولة: مصر (اسماعيلية)
المشاركات: 173
وعليكم السلام ورحمة الله وبركاته
بارك الله فيك يا محمود
علي التحليل الكبير للمباراة
رغم تحفظي علي الكثير مما ذكرته ولكن أعلم ان ذلك من منطلق غيرتك علي اسم بلدك الذي مثله المنتخب المصري 2008 خير تمثيل وكما يقول المثل : البحر يحب الزيادة .
فلا مانع من ذلك النقد البناء الذي تفضلت به .

ولكن هناك حقائق يجب ايضاحها : لقد حضرت عدة تدريبات ومباراة ودية للفريق القومي المصري بمعسكره بالاسماعيلية بصفتي عضو مجلس ادارة المنطقة وشاهدت الجهاز الفني للمنتخب ينفذ البرنامج الموضوع من المدير الفني : د . ايمن عبد الحميد حرفيا وموجود معهم اخصائي نفسي ضمن الجهاز
من المؤكد انه حاول طرد الرهبة من البطل المصري قبل دخوله لهذه المباراة
كما ان مدرب منتخب الكوميتيه رجال الكابتن عبد الفتاح النجار غني عن التعريف ولديه الحنكة والخبرة التي تؤكد أنه لا يمكن ان يغفل جمع معلومات عن منافسيه قبل أن يقابلهم بل لصلتي القوية به أعلم انه يحفظ أجاييف وغيره من اللاعبين المرشحين للمراكز في حميع الأوزان مثلما يحفظ اسمه ولكن ليس كل ما يتمناه المرء يدركه .
أما بالنسبة لتخيلك أنني عندما ذكرت أن ( اجاييف أكبر من تامر سنا وخبرة ) علي انها دعوة للروح الانهزاميةفهذا خطأ منك لاننا نعلم تماما أن أجاييف أو غيره من الاعبين المعروفين قابل للهزيمةوالمقصود بكلمة انجاز كبير هو الوصول للمباراة النهائية( لانه الوحيد من المنتخب المصري بل من افريقيا والعرب الذي وصل لمباراة نهائية في هذه البطولةكما انه تقابل مع اجاييف الذي لم يكتفي بذهبية وزنه وانما حصل علي ذهبية الوزن المفتوح ايضا ضاربا ابطال كل الموازين لمشاركتهم مرة اخري في الوزن المفتوح)
ولكن تاكدأنك لتصل للبطولة يجب أن تواجه نفسك بالحقائق فلا تبخس منافسك امكانياته كما انك في الوقت نفسه يجب ألا تخاف منه فهما كفتان متوازنتان ان طغت احداهما علي الأخري خسرت .
ونحن أصحاب خبرة عالية في التعامل مع بطولات الكوميتيه
تأكد أن مواجهتك للحقائق ليس معناه فقدك الثقةفي نفسك ولكن معناه عمل حساب لمميزات المنافس لكسرها مستقبلا وتدارك فارق الخبرة قبل أن تجد نفسك في مواجهة أخري تخسرها أيضا ،
وعند المواجهة لابد أن يكون لدي اللاعب ثقة تامة في أنه بامكانه الفوز علي منافسه وهي من متطلبات حالة الاستعداد للكفاح ،

عندي تحفظ علي آداء تامر هو انه عندما يلعب مع من له عدد سنوات خبرة وبطولات أكثر
يجب ان يحاول بكل ما اوتي من قوة لأنه رابح في كل الأحوال :

- لو فازعلي صاحب خبرة أكثر كان انجازه أكبر من فوزه علي لاعب غير معروف .
- وان بذل محاولات مستميتة للفوز ولم يستطيع سيكون أداءه ممتاز وسيكتسب خبرة كبيرة ولن يلومه احد.

الخبرة هي التي حسمت المباراة وليست السرعة.... لماذا ؟
لان الخبرة تزيد الثقة في النفس
والثقة بالنفس تقلل من توتر الجهاز العصبي وتزيد التركيز .
والتركيز وهدوءالجهازالعصبي يؤدي الي الآداء الطبيعي الذي يظهر أقصي مميزات للاعب سواء كانت هذه المميزات سرعة أو قوة أو مهارة ...

وعلي الجانب الاخر نقص الخبرة يتسبب في نتيجة عكسية (اهتزاز في الثقة - توتر في الجهاز العصبي - ضعف في التركيز - آداء غير طبيعي يغلب عليه الضعف والبطئ والسلبية في الآداء ..) .

عموما مشكور مرة اخري علي مجهودك الكبير في تحليل المباراة.


والف مبروك لابطال مصر
___________________ التوقيع: ___________________
شيهان : محروس محمد شحاته
(اسود 6 دان 2007)
عضو الفريق القومي المصري للكوميتيه (89 -93)
دراسات عليا تربية رياضية(تدريب - كاراتيه)
mahrous29@yahoo.com

التعديل الأخير تم بواسطة محروس شحاته ; 29th January 2009 الساعة 07:09 AM.
رد مع اقتباس
  #8  
قديم 29th January 2009, 10:40 PM
  الصورة الرمزية محمود مرزوق
محمود مرزوق
من كبار الاعضاء القدامى
  محمود مرزوق غير متواجد حالياً
تاريخ التسجيل: October Oct 2004
الدولة: مصر - المنصورة - 0193548111 - 002
المشاركات: 3,449
كلامك جميل جدّا وموزون يا كابتن محروس

ما شاء الله

أهم حاجة عاوز حضرتك تعرفها إن أنا ما قلتش ده إلا من منطلق غيظي من أحداث المباراة لكن أنا عارف طبعا المنتخب بتاعنا عامل إزّاي

وإن شاء الله بعد سنتين نتقابل هنا بردو علي المنتدي ونبارك لبعض علي الدهب

إن شاء الله

أخوكم

ونسأل الله الهداية والتوفيق

والله المستان

والسلام عليكم ورحمة الله وبركاته
رد مع اقتباس
  #9  
قديم 31st January 2009, 03:01 PM
 
محروس شحاته
لاعب مميز
  محروس شحاته غير متواجد حالياً
تاريخ التسجيل: August Aug 2008
الدولة: مصر (اسماعيلية)
المشاركات: 173
شكرا لك اخي الكريم

مع خالص امنيات التوفيق لمنتخبات الكاراتيه المصرية وباقي الدول الاسلامية في المشاركات الدولية القادمة .
___________________ التوقيع: ___________________
شيهان : محروس محمد شحاته
(اسود 6 دان 2007)
عضو الفريق القومي المصري للكوميتيه (89 -93)
دراسات عليا تربية رياضية(تدريب - كاراتيه)
mahrous29@yahoo.com
رد مع اقتباس
  #10  
قديم 6th February 2009, 06:26 PM
 
احمدكامل010
لاعب نشيط جداً
  احمدكامل010 غير متواجد حالياً
تاريخ التسجيل: December Dec 2008
المشاركات: 81
شكرا كابتن محروس وشكرا ايضا لمحمود مرزوق
___________________ التوقيع: ___________________
احمدكامل
رد مع اقتباس
  #11  
قديم 7th February 2009, 11:54 AM
 
hosaam22
عضو جديد
  hosaam22 غير متواجد حالياً
تاريخ التسجيل: January Jan 2005
الدولة: سورية
المشاركات: 2
مشكورين الاخوة على المبارة والتعليق والتحليل وبصراحة المنتخب المصري يستحق الاحترام

حسام الحاتم مدرب كاراتيه
___________________ التوقيع: ___________________
المتألق
رد مع اقتباس
  #12  
قديم 7th February 2009, 04:45 PM
 
shosho segare
عضو جديد
  shosho segare غير متواجد حالياً
تاريخ التسجيل: December Dec 2008
المشاركات: 16
مششششششششششششكورين كتير
رد مع اقتباس
  #13  
قديم 7th February 2009, 10:35 PM
  الصورة الرمزية محمود مرزوق
محمود مرزوق
من كبار الاعضاء القدامى
  محمود مرزوق غير متواجد حالياً
تاريخ التسجيل: October Oct 2004
الدولة: مصر - المنصورة - 0193548111 - 002
المشاركات: 3,449
العفو إخواني الكرام /

ك / محروس شحاتة

احمدكامل010

hosaam22

shosho segare

ونسأل الله الهداية والتوفيق

والله المستعان

والسلام عليكم ورحمة الله وبركاته
رد مع اقتباس
  #14  
قديم 13th February 2009, 04:20 PM
 
tamerkarate
عضو منتخب مصر للكاراتيه
ثاني العالم في الكوميتيه 2008
  tamerkarate غير متواجد حالياً
تاريخ التسجيل: February Feb 2009
المشاركات: 5
tamerkarate@yahoo.com

السلام عليكم
احب اشكر كل الاعضاء والنتدى الجميل ده والوحيد اللى لقيت فيه تحليل وافى ووجهات نظر جميلة عن مباراتى مع اجاييف اللى دوخت فى النت كله انى الاقى حاجة شبه كده
تامر عبد الرؤوف محمد موسى
لاعب منتخب مصر للكاراتيه
tamerkarate@yahoo.com
tamer abd elraouf @facebook

التعديل الأخير تم بواسطة tamerkarate ; 13th February 2009 الساعة 04:48 PM.
رد مع اقتباس
  #15  
قديم 13th February 2009, 09:15 PM
  الصورة الرمزية محمود مرزوق
محمود مرزوق
من كبار الاعضاء القدامى
  محمود مرزوق غير متواجد حالياً
تاريخ التسجيل: October Oct 2004
الدولة: مصر - المنصورة - 0193548111 - 002
المشاركات: 3,449
العفو يا كابتن <<< تامر >>>

وسعدنا بوجود بطل مثل حضرتك معنا علي صفحات هذا المنتدي المبارك

ويشرّفنا أن تنضم لأسرتنا أسرة كاراتيه العرب

وبرجاء الإطلاع علي هذا الموضوع كترحيب رسمي من إدارة المنتدي بحضرتك :-

http://karate4arab.com/vb/showthread.php?t=16883

وتاني بقول لحضرتك

عـــاوزيــــن الــدهـــب يـا تــامـــر

إخوانك بمنتدي كاراتيه العرب

ونسأل الله الهداية والتوفيق

والله المستعان

والسلام عليكم ورحمة الله وبركاته
رد مع اقتباس

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الإنتقال السريع

الساعة الآن 12:48 AM
| إبعث لنا برسالة | أخبر صديقك عنا  | الصفحة الرئيسية |
.:: جميع الحقوق محفوظة 1435هـ 2014 م - كاراتيه العرب ::.

.:: Developed & Maintained by : digital Film ::.
Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
Translate By Almuhajir